” ! اصلا موضه ”

 

 

تعرفون ايش اكثر شي يضيق الخلق ويطفش ؟

تعرفون ايش قمة رفعة الضغط؟ 

لما تجي متحمس لآحد وتقول له والله اليوم سويت الشيء الفلاني، او اليوم صورت صوره حلوه، اليوم خلصت قراية الكتاب الفلاني وعجبني اتمنى تستفيد منه..

 

“يجيك الرد الاتي ” ايه اساسا موضه” او ” مشاء الله هذا الموضه ذا اليومين ؟ انك تقرأ؟ 

 

“لا والادهى و الأمر الي يقول لك ” ياخي وانت مع الناس كل ما هبوا بشي سويته ؟

 

جوابي لهذه الفئه : ايه 

 

“ايوه اهب معاهم لو والله الي انت تسميه ” موضه ” او ” هبه وتقليد” يتسمى عند ناس ثانيه ” طريقه لرقي المجتمع 

 

يا جماعه احنا امة اقرأ، من متى صارت القراءه شي محدود بناس معينه ؟ او لما اجي اكلمك عن كتاب مفيد يجيني رد سخيف وتافه يتهمني بالتقليد الاعمى.. لا والفئه التحفه الثانيه الي لما يشوفك تقرأ كتاب بمكان عام يقول لك “والله فضاااوه” …حبيبي اي فضاوه، على الاقل اقرأ كلمتين مفيده واعور رقبتي على شي يستاهل اقرأه بدال ما ادنق راسي على تليفوني … ولا؟ 

 

اذا والله انا شخص يحاول يستفيد من وقت انتظاره ويحاول يثقف نفسه عشان يقدر يفيد غيره فأعذرني، انت نفسيه يا عزيزي وما يعجبك شي. 

صحيح احنا مفروض ما نهتم بكلام الناس عننا، بس قدر برضو الشخص الي جايك متحمس و حاب يناقشك بموضوع يسوى بدال مواضيع فلان سوا او فلانه ايش لابسه… كبروا عقولكم. 

مو بس قراية الكتب الي جايها هذا النقد العظيم … 

عندكم التصوير مثال ثاني، شخصيا ما اعرف اصور زين وتصويري يفشل، بس شفت ناس كثير تستاهل كل تقدير و شكر على ابداعاتهم وعلى الصور الجميله الي يصوروها…. 

انا معاكم، في ناس تبالغ بالموضوع شوي، تلاقيه لسى بادي يصور وشاري اغلى كاميرا ومعدات وهو ممكن بعد كم شهر او لا قدر الله بعد كم اسبوع راميها بحجة انه اكتشف ان التصوير ما يهتويه، الاعتدال برضو شي مطلوب ومهم، ابدأ بشي للمبتدئين وانتقل لغيره لو لاحظت في نفسك تمكن.. انا اقول لكل مصوره ومصور عندنا لاقو نفسهم بالتصوير و اكتشفوا انه مجال لأبداعهم ، استمروا احنا نفتخر فيكم.. كلام المحبطين هذا ما يطلع منهم الا غيره من ان شخص بهالحياة لقى شي يبدع فيه.. يا جماعه احنا محتاجين ابداع ، نحتاج ناس تتبع المجالات الي تعجبها، بطلوا التفكير السلبي بآن كل جديد شي غلط… مو ضروري ولدك يكون مهندس او بنتك تكون طبيبه عشان يكونون ناجحين… يكونون ناجحين لما يسون حاجه يحبوها ويبدعون فيها ! 

نجي عاد اسخف واغبى شيء واجهني مؤخراً، ناس تقول لها ” مشاء الله شبابنا فيهم خير والاعمال التطوعيه جالسه تنتشر ” يرد عليك بكل تفاهه ” ايه اساسا موضه و شكليات”  لا عاد.. لهنا وبس يا عزيزي 

.”المتحلطم الي مو عاجبه شيء ، الشباب الي مو عاجبينك هذولي جالسين يتبعون ايات كريمه جت بالتطوع وبحب الخير.. الشباب هذولي جالسين يتبعون قوله تعالى  ” وتعاونوا على البر والتقوى

الشباب هذولي، وبقولي شباب اعني اناث وذكور، جالسين يقدموا اعمال يبنوا فيها المجتمع ويوعونه بآمور يجهلها، يحطون بعملهم هذا وقت وجهد وكله لوجه الله تعالى ولكسب الآجر، مين انت عشان تجي تحكم على نيات الناس او ليش يسوون الاشياء الي جالسين يسونها ؟ 

رساله لكل متحلطم ومو عاجبه اي شي يتسوى، ياخي قل خيرا او اصمت! قول اشياء ايجابيه تدعم فيها غيرك وتنفعهم او خلك ساكت وخلي سلبيتك لنفسك، واذا مره مره مو عاجبك، قوم ورينا جهدك وانجازاتك لعل وعسى نقتدي فيك  

 

حبيت بالاخير اضيف كذا حساب بتويتر يهتم بالكلام الي قلته 

 

 

اذا عندك اهتمام بالتصوير هذه حسابات اشخاص مهتمين بالتصوير 

@GGCRiyadh

@_iButterfly_

@moataz_photo

@iAbdullahD

@JassimMulla

@Ammar_AlMahmoud

@photos_news

 

اذا عندك اهتمام بالتطوع 

 

@g_Volunteer

@Ethar_Al5eer

@info_smile_kids

@aseefgroup

@Takatof34

@b_fj

 

 

 

 

فلسفه ؟ فضفضه؟

لاحظتوا احيانا كيف في ناس نلتقي فيهم مره وحده بحياتنا وتجلس ذكراهم بأذهاننا فتره طويله؟

 

واحيانا تجلس ذكراهم معنا طول العمر على الرغم من ان لقائنا فيهم كان لمده قصيره..احيانا الي يجلس بآذهاننا ابتسامه او كلمه صادقه من احد..حلو انك تترك اثر بحياة الي تمر عليهم..حلو تترك وراك ناس تدعي لك بظهر الغيب..

في ناس تتمنى تجلس صورتهم بأول لقاء لكم مطبوعه بذاكرتك وما تنمحي ابد…وفي ناس نلقتي فيهم وعلى قد ما نتمنى نقرب منهم لكن ما نقدر او ما يكتب لنا اننا نكون اكثر من اشخاص عابرين بحياتهم ..

على قد ما نتمنى قربهم على قد ما الموضوع لما يكون فيه مشاعر كثير يكون اعقد…

كلامي مو محدود بمفهوم الحب او الاعجاب بشخص..احيانا تلاقي ناس وتتمنى تكون من اقرب اصدقائهم لانك لاقيت فيه طيبه و بياض قلب وشفافيه…و مع ذلك ما يقدر لنا هذا الشي..الحسن بالموضوع اننا حصلت لنا فرصه نلاقيهم ولو مره..وحصل لنا فرصه نعرف انه لسى في ناس زيهم موجوده..

 

ناس ما يأثر فينا مكانتهم العلميه او الاجتماعيه..ولا نتعامل معاهم بالوهميات العرقيه بالمجتمع…هذولي ناس يجبرون حتى المتعصب لفكر جاهلي قديم يحترمهم بأخلاقهم  و بابتسامه يهدونها لكل الي يمر عليهم

 

وفي نوع ثاني من الناس، نلتقي فيهم…نعجب فيهم..بس نختار نكون بعاد عنهم لأننا ما نبغى نشوه الصوره المثاليه الي رسمناها بمخيلتنا عنهم، لاننا بالاخير عارفين ان لكل انسان عيوبه ومع ذلك نصر على وجود المثاليه او الآشخاص المثاليين.

النوع هذا برضو يجبرك تحترمه بسبب اخلاقه الجميله و مواقفه معاك لكن زي ما قلت، نختار نكون بعاد عنهم عشان ما تتأثر صورهم بمخيلاتنا..حتى لو  كنا بهذا الشي نضيع علينا فرصه ذهبيه لاكتساب شخص ممكن يعني لنا الدنيا. 

 

 

مو عارفه ليش جالسه اكتب هذا الكلام او ايش الفكره الي ابغى اوصل لها منه…لكنني ممتنه لكل شخص تعرفت عليه بحياتي

 و غير جواتي شي للافضل ولو كان صغير…

 

.اتمنى اني بيوم من الايام اكون هذا الشخص الغريب خفيف الروح طيب الاثر بالنسبه لأحد

 

الجامعات الحكوميه والقبول فيها

اهلا وسهلا

هذه ثاني تدوينة اسويها لطلاب الثانوي..الاولى كانت على القدرات والتحصيلي وممكن تلاقيها هنا

الي احب اوضحه لطلاب الثانويه بهذه التدوينه هو معلومات عن معظم الجامعات السعوديه ،الفرق بين المسارات الاساسيه فيها (صحي، علمي، انساني)

نبدآ بالجامعات الحكومية:

زي ما كلنا عارفين، بعد ماتخلص اختبارات الثانوي، تحصيلي وقدرات..رح تفتح البوابة الالكترونيه للتقديم على الجامعات الحكوميه

وهذا رابط لها : بوابة القبول الالكتروني

اول ما تفتح معاك بتبدا بادخال رقم الهوية لوطنية او الاقامه حسب ما هو موضح بالموقع وبعدها تدخل درجة قياس بالخانه المتاحه لك

بعد تعبية المطلوب،، رح تطلع لك قائمة فيها الجامعات على يمين وقائمه تحط فيها اختياراتك على يسار

في هذه الخطوه، رتبوا الجامعات حسب الاولوية بالنسبه لكم، اختيارك الدقيق في هذه المرحله مهم، فرضا في بنت حاطه ببالها جامعة سعود ونوره، فكري كويس ايهم تبغين اكثر وحطيها بالرغبه رقم ١، لو حطيتيهم عشوائي النظام رح يشوف نسبتك اذا تدخلك الخيار رقم واحد بيحطك فيها مباشرة دون النظر في بقية الخيارات، طبعا اثناء ترتيب الخيارات لو كان لك رغبه بكليات صحيه لازم تحطها بالآول يليها بقية الكليات..

اكرر، اختيارك للرغبات بدقه شئ مهم.

بخصوص اختيارك للتخصص :

١- لا تختار تخصص بتتعايش معاه بقية حياتك للسمعه والشهره فقط، صدقوني مع الوقت حياتكم بتصير روتين ممل وتصنع لانك بداية داخل شي ما تحبه وداخله بس لابهار المجتمع..انا افهم موضوع الضغوط الي الواحد ممكن يحس فيها قبل اختياره لتخصصه والي ممكن تخليه يختار شي ما يحبه بس لأرضاء متطلبات ومعايير اهله والناس الي يسعى لانهم يكونون فخورين فيه و راضين عنه.. بس فكروا فيها كذا، مثلا واحد دخل هندسه او طب بس للاسم ولأرضاء اهله، المجال هذا هو مو حابه والاهم من كذا ما يمتلك متطلبات دراسته، بينتهي الموضوع بكونه مهندس او طبيب فاشل بدون وظيفه او في احسن الاوضاع بوظيفه من دون ناس ترجع له..بينما لو اخترت مجال انت حابه و عندك رغبه فيه، ابداعك فيه هو الي بيترك بصمه بحياة الي يتعاملون معك و الاهم بتترك اثر لانك تسوي الشي عن حب وبإتقان

٢- بعد ما تتأكد من حبك للمجال الي ناوي تتخصص فيه ان شاءالله حاول تقرأ عنه قد ما تقدر وتعرف ائا مطلوب بسوق العمل او لا، انا ما اقول ركزوا على الجانب المادي وبس، لكن برضو مهم جدا تكون ضامن مستقبلك ، لو تخصصك ماله مستقبل، حاول تفكر بطرق مبتكره ممكن تقدمها انت والي تميزك عن غيرك بالمجال وبكذا تكون كسبت كذا شيء، تخصص تحبه و دخل ممتاز ان شاءالله و راحة بال بالمستقبل

٣- بعض المواقع تقدم اختبارات لمعرفة ميولك بالتخصصات، اختبارات ممتعه ومفيده وهذا مثال عليها هنا

٤- لا تحط ببالك تخصص واحد بس لاننا كلنا نعرف ان الرياح تجري بما لاتشتهي السفن، هذا ما يعني انك ما تشتغل بجد للتخصص الي ببالك لكن يعني تجنب الصدمات و توقع جميع الاحتمالات.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

النقاط السابقه كانت للي يعرف ايش يحب والموضوع كان بس انه يكون قوي ويختار الي يحبه مهما كان المجتمع محبط في بعض الاحيان، طيب لو كنت ما تعرف ايش تحب ؟

لكل شخص مو عارف ايش يحب، كثير ناس زيك، لاتحس نفسك ضايع او حايس..كنا بمكانك وحسينا بشعورك، المهم انك في رحلتك الي ان شاءالله بتكتشف فيها نفسك، تكون تسوي الشيء هذا لنفسك مو للغير

ممكن ما يكون عندي نصائح كثير اعطيك اياها لان مو كل الناس بنفس الشخصيه ولا كل الناس تعامل بنفس الطريقه، الي اقدر اقول لك اياه، اول خطوه تقدر تسويها تقرأ، اقرأ قد ما تقدر عن التخصصات الي يلفتك اسمها، جيب ورقه وقلم واكتب فيها التخصصات الي جذبتك وحبيتها والتخصصات الي كرهتها ومستحيل تشوف نفسك فيها

الي كرهتها شيلها تماما والي حبيتها توسع بالسؤال عنها وبالبحث، ما تعرف ممكن يكون نتيجه بحثك وتوسعك بالسؤال اكتشافك لذاتك ولشيء كنت تحبه وانت مو عارف

اهم شي ما يحبطك الوضع لان مو كل انسان مولود مع معرفه لأيش بيسوي بحياته وايش يحب وايش مجال ابداعه ، احنا هنا نحاول نكتشف نقاط قوتنا والاشياء الي تبرزنا وتساعدنا نخدم مجتمعنا ونرتقي فيه

.عط نفسك وقت، بعد التخرج عندك سنه تحضيريه تعتبر وقت اضافي للتفكير،، خذ وقتك، فكر بتأني، انت مو وحيد بهذا الوضع، استشير الي حولك السؤال مو عيب

في شيء ثاني ممكن تسويه، شوف المواد الي كنت تستمتع فيها بالثانويه اكثر شي واقرأ عن التخصصات الي تتبع لها. بكذا تكون ضيقت نطاق بحثك وتوصل للي تبغاه اسرع

رح احط لكم معلومات عن الجامعات الحكوميه الاربعه بالرياض هنا نقلا عن البوابه الالكترونيه ان شاءالله تكون مفيده

اولا، جامعة الملك سعود..

الكليات والتخصصات المتاحة في جامعة الملك سعود للعام 1433 – 1434هـ
	أولاً : السنة التحضيرية للكليات الصحية ( مقر الدراسة: مركز الدراسات الجامعية بعليشة)
الكليات التخصصات نوع الشهادة الثانويةالمطلوب موقع الكلية كلية الطب طب وجراحة علمي الملز كلية طب الاسنان طب اسنان علمي الملز كلية الصيدلة العلوم الصيدلية علمي الملز دكتور صيدلة علمي كلية العلوم الطبية التطبيقية علوم صحة المجتمع علمي عليشة التغذية السريرية علمي علاج النطق والسمع علمي علاج طبيعي علمي العلاج الوظيفي علمي علوم المختبرات الاكلينيكية علمي البصريات علمي دكتور بصريات علمي علوم الاشعة علمي رعاية الاسنان علمي كلية التمريض تمريض علمي عليشة
	ثانيا ً: السنة التحضيرية للكليات العلمية: ( مقر الدراسة: مركز الدراسات الجامعية بعليشة)
الكليات التخصصات نوع الشهادة الثانويةالمطلوب الموقع كلية إدارة الاعمال المحاسبة علمي عليشة الاقتصاد علمي الادارة علمي التسويق علمي الادارة المالية علمي نظم المعلومات الادارية علمي كلية العلوم الكيمياء علمي الملز الكيمياء الحيوية علمي الرياضيات علمي الرياضيات الاكتوارية علمي الاحياء الدقيقة علمي النبات علمي الفيزياء علمي كلية علوم الحاسب والمعلومات تقنية المعلومات علمي الملز
	ثالثاً: السنة التحضيرية للكليات الإنسانية ( مقر الطالبات شرق الرياض)
الكليات التخصصات نوع الشهادة الثانويةالمطلوب الموقع كلية الاداب اللغة العربية تحفيظ قرآن أو أدبي أو علمي أو معهد النور عليشة اللغة الانجليزية تحفيظ قرآن أو أدبي أو علمي التاريخ تحفيظ قرآن أو أدبي أو علمي أو معهد النور الجغرافيا تحفيظ قرآن أو أدبي أو علمي الدراسات الاجتماعية تحفيظ قرآن أو أدبي أو علمي الإعلام تحفيظ قرآن أو أدبي أو علمي كلية التربية الدراسات الاسلامية تحفيظ قرآن أو أدبي أو علمي أو معهد النور عليشة تعليم ماقبل المرحلة الابتدائية تحفيظ قرآن أو أدبي أو علمي التربية الخاصة تحفيظ قرآن أو أدبي أو علمي أو معهد النور علم النفس (اخصائية نفسية ) تحفيظ قرآن أو أدبي أو علمي التربية الفنية تحفيظ قرآن أو أدبي أو علمي كلية اللغات والترجمه اللغة الانجليزية تحفيظ قرآن أو أدبي أو علمي عليشة اللغة الفرنسية تحفيظ قرآن أو أدبي أو علمي كلية الحقوق والعلوم السياسية الحقوق تحفيظ قرآن أو أدبي أو علمي عليشة

ثانيا جامعة الأميره نوره 

الكليات والتخصصات المتاحة في جامعة الأميرة نورة بنت عبد الرحمن للعام 1433 – 1434هـ
	كليات تتطلب اجتياز السنة التحضيرية
م الكليات التخصصات المتاحة نوع الشهادة الثانوية موقع الكلية 1 كلية الطب طب وجراحة عامة علمي حي النرجسالمدينة الجامعيةمجمع الكليات الصحية 2 كلية طب الأسنان طب أسنان وجراحة أسنان علمي 3 كلية الصيدلة دكتور صيدلي علمي 4 كلية الصحة وعلوم التأهيل علوم التأهيل علمي علوم الصحة التقنيات الطبية علوم الاتصال 5 كلية التمريض التمريض علمي 6 كلية العلوم العلوم الرياضية علمي حي النرجس المدينة الجامعية A3محطة مبنى121 الكيمياء الفيزياء الأحياء 7 كلية علوم الحاسب والمعلومات علوم الحاسب علمي المقر الأكاديمي بحي النرجس شبكات وأنظمةالاتصالات نظم معلومات 8 كلية الادارة والأعمال المحاسبة علمي حي النرجس المدينة الجامعية الاقتصاد تحفيظ قرآن أو أدبي أو علمي الأنظمة ادارة الأعمال 9 كلية التصاميم والفنون التصوير التشكيلي والطباعة تحفيظ قرآن أو أدبي أو علمي المقر الأكاديمي بحي النرجس التصميم الداخلي التصميم الجرافيكي والوسائط الرقمية تصميم الازياء والنسيج 10 كلية اللغات والترجمة قسم اللغة الانجليزية تحفيظ قرآن أو أدبي أو علمي المقر الأكاديمي بحي النرجس قسم اللغة الفرنسية 11 كلية التربية التربية الخاصة تحفيظ قرآن أو أدبي أو علمي مبنى112 حي النرجس علم النفس الطفولة المبكرة المناهج وطرق التدريس معلمةالصفوف الاولى بالمرحلة الابتدائية معلمة اللغة الانجليزية بالمرحلة الابتدائية 12 كلية الخدمة الاجتماعية خدمة اجتماعية تحفيظ قرآن أو أدبي أو علمي حي النرجسالمدينة الجامعية/مبنيرقم(1.3.0) 13 كلية الاداب الدراسات الإسلامية تحفيظ قرآن أو أدبي أو علمي المقر الأكاديمي بحي النرجس القراءات القرآنية اللغة العربية اللغة الانجليزية المكتبات 14 كلية المجتمع العلوم الإدارية تحفيظ قرآن أو أدبي أو علمي حي النرجسالمدينة الجامعية علوم الحاسب وتقنية المعلومات علمي

ثالثا جامعة الملك سعود بن عبدالعزيز للعلوم الصحيه 

تنبيه : مو نفسها الكليات الصحيه الي بسعود، هذه تابعه للحرس

الكليات والتخصصات المتاحة في جامعة الملك  سعود بن عبد العزيز للعلوم الصحية للعام 1433 – 1434هـ
م الكليات التخصصات الموقع 1 كلية الطب الطب والجراحة خشم العان 2 كلية طب الأسنان طب الأسنان خشم العان 3 كلية التمريض تمريض عام خشم العان
تشترط كلية الطب وكلية التمريض اجتياز المقابلة الشخصية في الموعد المحدد (حسب الجدول الزمني للتقديم(

رابعا جامعة الأمام محمد بن سعود الاسلاميه

الكليات والتخصصات المتاحة في جامعة الإمام محمد بن سعود الإسلامية للعام 1433 – 1434هـ
	أولاً/ قبول الطالبات على الأقسام مباشرة ، وليس في هذه التخصصات برنامج تحضيري
التخصص نوع الشهادة الثانوية المطلوبة قسم الشريعة تحفيظ قرآن أو أدبي أو علمي قسم اللغة العربية قسم أصول الدين قسم الدعوة
	ثانياً/ قبول الطالبات على الأقسام مباشرة ، ويشترط للدراسة في هذه الأقسام اجتياز البرنامج التحضيري
المسار التحضيري الأول (مدته فصل دراسي واحد ، وقد تمتد لفصلين حسب مستوى الطالب)
المسار التحضيري التخصص نوع الشهادة الثانوية المطلوبة مسار اللغات والترجمة  قسم اللغة الإنجليزية تحفيظ قرآن أو أدبي أو علمي مركز دراسة الطالبات
يشترط للقبول في مسار اللغات والترجمة اجتياز اختبار تحديد المستوى الذي تجريه جامعة الإمام محمد بن سعود الإسلامية في مقر فرع النفل الساعة السابعة والنصف من صباح يوم الأحد 4/8/1433هـ
المسار التحضيري الثاني (مدته فصلان دراسيان)
المسار التحضيري التخصص نوع الشهادة الثانوية المطلوبة مسار العلوم التطبيقية  قسم علوم الحاسب علمي مركز دراسة الطالبات قسم نظم المعلومات  قسم دراسات المعلومات قسم الرياضيات قسم الفيزياء  قسم الكيمياء
المسار التحضيري الثالث (مدته فصل دراسي واحد)
المسار التحضيري التخصص نوع الشهادة الثانوية المطلوبة مسار العلوم الإدارية قسم الاقتصاد تحفيظ قرآن أو أدبي أو علمي مركز دراسة الطالبات قسم المحاسبة  قسم إدارة الأعمال قسم التمويل والاستثمار قسم الأعمال المصرفية
المسار التحضيري الرابع (مدته فصل دراسي واحد)
المسار التحضيري التخصص نوع الشهادة الثانوية المطلوبة مسار العلوم الإنسانية قسم علم النفس تحفيظ قرآن أو أدبي أو علمي مركز دراسة الطالبات قسم الاجتماع والخدمة الاجتماعية (شعبة الاجتماع)  قسم الاجتماع والخدمة الاجتماعية ( شعبة الخدمة الاجتماعية) قسم التربية الخاصة ( شعبة الإعاقة العقلية) قسم التربية الخاصة ( شعبة التدخل المبكّر)
	بالتوفيق للجميع ولأي تساؤل او اضافه اترك كومنت، ممكن تتواصلون معي هنا او على تويتر  JoryOi

ثالث ثنوي؟ قدرات ؟ مستقبل؟

ثـالث ثنوي, سنة تحديد المستقبل, سنه فيها تقريبا كل خلاصة ال12 سنه الي الواحد درسها…

من تجربتي السابقه, و كخريجه مالها الا ترم, حبيت اقول لكل طالبه وطالب فيها كم شئ,

.ممكن البوست تكون متأخره, بس مع الاسف هذا الوقت الوحيد الي قدرت اجلس واكتبها فيه,

اول شئ حابة اقول ان كلنا متفهمين صعوبة هذه السنه عليكم, سنه فيها ضغوطات, اختبارات متواصله , تحصيلي وقدرات ونسبه تراكميه , والاهم , انشغال تفكيرك بتخصصك المستقبلي وتحديد اي جامعه بتدرس فيها. – يعني رجاء الي عنده اخ او اخت بثالث عطوه جوه شوي ويكفي كرف بالبيت لان كرف المدرسه يكفي- .

بخصوص اختبارات المدرسه, نصيحه نصيحه نصيحه: لاتدرس عشان تفتك من الماده وبس خصوصا اذا رح تاخذ تحصيلي وما عندك مخططات ثانيه زي سفر او غير لبلد ماتحتاج التحصيلي.

اختبار التحصيلي الي اخبرناه العام كانت اغلب الأسئله من ثالث ثنوي الترم الثاني, فيه من اولى وثاني اكيد, بس التركيز كان على اسئلة ثالث الترم الثاني.  وزي ما قلت قبل السنه هذي ضغط بما فيه الكفايه, حاول توفر على نفسك وقت بأنك تركز بالمذاكره للاختبارات عشان بيوم التحصيلي ترتاح نسبيا.

سمعت قريب ان البنات صار عندهم فرصة بثاني ثنوي للقدرات, الي تستغل الفرصه الذهبيه هذي وتجيب فيها النسبه الي بنفسها, صدقوني تشيل عن نفسها نص هم ثالث ثنوي..بيكون عندك بس تركيز على اختبارات المدرسة وعلى التحصيلي..رح اضيف بأخر التدوينه روابط ممتازه للتدريب على القدرات, انا اعرف ان السنه هذي متعبه وتطفش, و الواحد يوصل مرحلة الــ”خلاص مالي نفس شئ بكيفه مارح ادرس”..معليش اضغط على نفسك شوي عشان اذا صار وقت تسجيل الجامعات تكون بأذن الله عندك خيارات وفرص اكبر بالقبول.

قبل اختبار القدرات :

 

اختبار القدرات مو منهج تختمه وتدخل. هو يعتمد بجزء كبير على فهمك لنمط الأسئلة وطرق الحل، خصوصا ان اغلب الامتحانات تتكرر على الدفع، تدريب مستمر ان شاءالله بيعطيك استيعاب لطرق الحل..تجميع الأسئلة بمنتديات يزيد ممتازة ومفيدة جداً، حاول كل يوم تأخذ لك 20 – 30 سؤال وحلهم. 

 

أثناء الاختبار: 

 

التوتر التوتر التوتر

 

رح أقول لكم موقف صار معي؛ انا دائماً اتوتر قبل كل اختبار، حتى اختبارات المدرسه كنت افهم وادرس زين بس توتري يضيع علي درجات كثير. 

باختباري، جلست وكعادتي الملكية توترت، بديت أحل وبالقسم الثالث انتبهت اني ظللت قسمين بعمود واحد  

الي قهرني بوقتها اني كنت اعرف ان معظم إجابتي محلوله صح بس محطوطه بالمكان الغلط..نقلت جزء من العمود للعمود الي جنبه على البركه ووكلت امري لله.

 

الخلاصة؛ لا تضيع مجهودك بالتوتر، اغلب الاشياء ابسط مما هي بس توترنا يضخمها لنا ونصير نلخبط نفسنا. 

 

حاول بفرصتك الأولى أو الثانية المنفصله عن التحصيلي تجيب درجه حلوه لأنك ما تضمن ايش ممكن يصير باقي السنه وكيف بتكون ظروفك وقتها. 

ولو ما حصل وجبت من اول محاوله، ابذل جهدك بالي بعدها، ربي مايضيع تعب وكل الي يصير لنا خيره. 

 

 

بالخاتم أتمنى لكم التوفيق جميعا وارحب بأي استفسار أو أضافه للموضوع ممكن تحطها تعليق تستفيد وتفيد غيرك ولك اجر ان شاءالله.

 

 

اذا حبيتوا اتوسع أكثر بموضوع الجامعات وتخصصاتها ممكن اسوي بوست ثانيه اتوسع فيها أكثر.

 

بالتوفيق وان شاءالله تحصلون أعلى الدرجات بالدنيا والاخره.